دعوة لمايسترو

[أسامة عبد الهادي ليبزو]

أتقدم بدعوة للسيد علي نباص ..الأردن - وادي السير
السيد علي حائز على تقدير أكاديمي عالي في مجال الموسيقى من الإتحاد السوفييتي السابق
وقد كان السيد علي من البشناوات المعروفين في وادي السير قبل إعتزاله العزف
وهذه دعوة للسيد علي للتعليم فقط وليس للعزف
فأرجو من الأخوة في الأردن والذين يعرفون السيد علي محاولة إقناعه بنشر بعض تعاليم الموسيقى على صفحات المنتدى
شكراُ لكم

Yes sure, any help would be so good for all new players...

[Anas Souqar]

الشئ المحزن يا جماعة انو النمط الأصلي تبعنا عم يضيع ( النمط السوري و الأردني و التركي يعني نمط بلاد المهجر كما يقال)
نحنا مع التطوير الموسيقي و مع التجديد و لكن كل شي لازم يكون ضمن الحدود و هي الحدود لازم يحطوها العازفين الكبار متل الأستاذ الكبير علي نباص و الأستاذ فيصل جلاحج هن يلي لازم يوجهو الشباب و يأشرفو على التغيير بالعزف بما انهون 2 من البشناوات يلي طلعو عالقفقاس و عاشو جو العزف و الرقص القفقاسي و عرفو شلون ممكن انو نحنا نطور معزوفاتنا كمان...
و بالفعل يا شباب ياريت لو حدا يقدر يقنع الستاذ علي نباص على الأقل انو يسجل المعزوفات القديمة الأصلية مشان الشباب يضل عندهون هذا الأرشيف الذي لا يقدر بثمن لأنو هذا الأرشيف هو يلي ممكن انو يحافظ على نمطنا بالعزف...

انشالله لح نقوم بالتعاون مع الأستاذ فيصل جلاحج بتسجيل المعزوفات الأصلية القديمة قريبا جدا خوفا عليها من الضياع و هن للمعلومة 420 معزوفة و قلة يلي بيعرفوهون.
و بيبقى عكل واحد بيعرف الأستاذ علي نباص انو يقنعو انو يسجل ارشيف للمحافظة على هويتنا الأصلية...

و شكرا...

[adiga chal]

و أنا بضم صوتي لصوتكم

[Shawashsari]

أنا من الاردن وأول مرة بسمع بعلي نباص.... مع إنه أقربائي من وادي السير.....

يقل العازفين على نمط أهل المهجر ولم يبقى منهم إلا القليل.... أنا ليس مع تطوير العزف وطرقه، القفقاسي له طريقته الرائعة، والبلدي له طريقته الجميلة أيضا.... لا يجوز استعمال الآلات الغربية مع العزف الشركسي في أداء اللوحات والرقصات، لأنه بذلك لم يعد فلكلورا متوارثا....

أملك 8 معزوفات قديمة، عزفت على النمط البلدي (أهل المهجر)، عزفت في أواخر السبيعنات من القرن الماضي في منطقة جبل الكرسي...

إن شاء الله سأرفعها في وقت قريب.

[adiga chal]

اقتباس المشاركة الأصلية كتبت بواسطة shawashsari أنا من الاردن وأول مرة بسمع بعلي نباص.... مع إنه أقربائي من وادي السير..... يقل العازفين على نمط أهل المهجر ولم يبقى منهم إلا القليل.... أنا ليس مع تطوير العزف وطرقه، القفقاسي له طريقته الرائعة، والبلدي له طريقته الجميلة أيضا.... لا يجوز استعمال الآلات الغربية مع العزف الشركسي في أداء اللوحات والرقصات، لأنه بذلك لم يعد فلكلورا متوارثا.... أملك 8 معزوفات قديمة، عزفت على النمط البلدي (أهل المهجر)، عزفت في أواخر السبيعنات من القرن الماضي في منطقة جبل الكرسي... إن شاء الله سأرفعها في وقت قريب.

اي أرجو ان تسأل عن العازف لربما غادر الأدرن
وانا اؤيد كلامك أنا ضد تطور الموسيقا من خلال ادخال آلات غربية على موسيقا الأكورديون فإنها تفقد طابعها الفلكلوري

[Shawashsari]

سوف أسأل عنه وأخبركم في وقت قريب إن شاء الله....

[Rokaya]

والله أنا كإني سمعت بإسمو...على كل حال انا بسأل عنو و برد لكم خبر

[رنده ألبيكته]

والله نحن أيضاً نضم صوتنا إلىصوتك ونتمنى أن ينشر تلك الموسيقا الرائعة ويسجلها لأبنائنا في المغترب كي لاتضيع كنوزه وكنوزنا الفولكلورية.

[Shawashsari]

سألت عنه.... فعلا هو موجود بس ماكان خاطر في بالي الاسم.... هو في الاردن ولم يسافر إلى أي مكان.... يعني بحاول ألتقي فيه.... بخبرو عن الطلب... و إن شاء الله بقبل....