الشهامة الشركسية

[souzar]

أول شي بحب مسي على كل الموجودين
وحبيت أفتح الباب لكل أعضاء المنتدى
بامشاركة بسؤال وهو:
حابب من كل عضو أنو يذكرلنا
حادثة تدل على أنو الشراكس
أهل نخوة وشرف
فتفضلوا

[MaMa X_Sa&So]

مو غريب سؤالك شوي يا ابني ؟ مو لأنو مافي مواقف وإنما لأنو بحب اعرف سبب هالسؤال إذا ممكن ما دامك عالموضوع موجود لسه .

[souzar]

والله يا خالتو لأنو في بعض المتسللين من البزمؤات واللي عم يحرفوا
المواقف
يعني مشان اذا حدا فات مشان يشوف عل أقل أي شي بسيط بخللف هالأكاذيب

[MaMa X_Sa&So]

شكراً ابني على التوضيح والله المواقف قديمة وجديدة وكتيرة ومتنوعة بحكيلك آخر شي:
يهالصيفية مثلاً بنتي وعمرها 15 سنة حبت انو تتدرب على الرقص الشركسي وبما انو نحنا بالخليج ومافي فرص للتعارف سمحت الها وكنت معاها بكل خطوة وبوديها وبجيبها بإيدي لأنو البيت بعيد ((مشروع دمر))المهم كان في عدد كبير من الصبايا والشباب كمان دخلوا ليتدربوا المهم شفت فيهم احلى صور الرقي والحضارة ،شفت شباب وبنات عم يتدربوا بصالون الجمعية على انغام الفرقة الموسيقية بالجمعية وبتدريب الأخوة والأخوات من الفرقة الاساسية (بس فيت) العدد كان كبير وبالصالون الكبير بالجمعية الشباب على جنب والبنات على جنب جنب بعض كنت عم شوفهم من فوق ماشفت شب تطلع على صبية كلو مشغول بحركاتو وبالتعلم وإجادة الحركات وملتزمين بالعادات ولما يخلصوا بتلائي كل مجموعة من الشباب راح يوصلوا بنات حارتهم وأقاربهم بكل احترام.
وكنت قريبة منهم كتير ماشفت ولامرة موقف زعجني ابداً كل الشباب تصرفوا متل الفرسان الراقيين وكل الصبايا عم يتصرفو متل الأميرات الراقيات واديش فرحت فيهم بهالرقي ومرة تأخرنا على بنتي كتير لئينا مجموعة معاها حتى ما تبئ لحالها وما تركوها حتى تطمنوا انو اجينا وأخدناها وعلاقة الأخوة بينهم وبينادوا بعضهم أخي واختي وهاد شفتو بعيني بالصيف ولو كان هالجو عند أي ملة تانية لك ان تتخيل العلاقات والمشاكل الي ممكن نحصل فالحمدلله انو نحنا شراكس وأد ما بدك فيه مواقف مشرفة وبخلي الدور لغيري:

[souzar]

شكرا كتير ماما و فعلا هالمواقف بتدل على أصالة القومية الشركسية
وبدعوا جميع الأعضاء الكرام الدخول
والمشاركة لكي يرى هؤلاء الحاقدين أصالة القومية الشركسية

[tamer shapsoughe]

سلام للجميع ....
مشكور أخي على الموضوع
قبل 3 أشهر كان واحد صاحبي نازل عندي و هو على الطريق شاف 4 شباب عم يعاكسو بنت مش ادغا فا نزل فيهم و انسجن 4 أيام ..
و ما رضي يحكي للشرطه سبب المشكله عشان ما يخلي البنت توصل المركز الأمني
ولمل طلع.. ابو البنت حكالو (بالله مش انتا شركسي) رد صاحبي انو (مزبوط) فقال ابو البنت (والله طول عمركوا ولاد اصل و بتعرفوا تتصرفوا) و انا بعتقد انو هادي شهاده مشرفه

[سيبسا]

ما عندي شيء هيك طلعت انا موشركسية يا سوزار يرضيك هيك هههههههههه

[souzar]

له الله يسامحك يا سيبسا
فيك الخير و البركة
وبتضلي شركسية
و بنت شركسي

[بشناوة]

شكرا سوزر على الموضوع الحلو
الحقيقة في مواقف كتير مثلا
كنت مرة راكب بتكسي ولما عرف
الشوفير إني شركسي قعد يمدحلي بالشراكس
وحكالي حكي حلو كتير