معاني لاسماء شركسية

[zan-was]

مرحبا..هاد أول موضوع الي وان شاء الله يعجبكم..
الموضوع عن معاني الاسماء اللي بسموها الشركس, بعضها اصلها شركسي وبعضها غير شركسي..


نبدا بالغير شركسية:

1. انزورanzor: اسم جورجي ومعناه (الحر)
2. زاورzawer: اسم اوسيتي ومعناه(الحامي او المدافع)
3. تيمورtemur: اسم تركي معناه(الحديد)

هاد بالنسبة للشباب اما البنات:لاريسا: وهو اسم لطائر اغريقي
وفي اسم شيشاني هو(لوسن)معناه(متل الثلج)



نيجي للاسماء الشركسية الاصل,نبدا بالبنات:

1. داناdana: معناها الحرير,وفي الها لفظة تانية هي(داريا)بعرفش اي اصح
2. دشاdesha: الذهب
3. ديناdena: عيننا بالقبرداي حيث(دي)ضمير المتكلم للجماعة و (نه)تعني العين
4. ديناميسdenamees: جوا عيننا
5. سيناميسsenamees: جوا عينياو الجالسة في عيني
6. جواشه(بالجيم المصرية)guasha ومعناها الاميرة او زوجة الامير,(لاحظوا انه الحماية بالشركسي جواشه)
7. نشقواnashqua: ذات العيون الرمادية او الملونة
8. نرسnares: جوا العين
9. سيمافsemaf: نهاري
10. تيمافtemaf: نهارنا
11. سيرساsersa: اسم الهة الجمال
12. ريداداredada: العروس الجميلة
13. غوبسةgopsa: روح القلب
14. نرزانnarzan: اسم شلال في تشيركيسيا

نيجي لاسماء الشباب:

1. نارتnart: عين القبيلة,وممكن تنلفظ(نرت)naretبفتح النون و كسر الراء بسير معناها صاحب النظرة الحادة
2. برتparet: بفتح النون و كسر الراء ومعناها القائد
3. آزرazar: الماهر
4. بلانblan: الشجاع
5. ميرنارmernar: من(مر نار)وتعني هذا قرة العين,وبناءا عليه انا استنتجت انو يمكن اسم البنات(ميرنا)mernaاصله(مرنا)بنفس الطريقة ومعناه(هذه العين)
6. تشانchan: الذكي,القوي,الشاطر

هدول اللي تزكرتهم اللي بقدر يضيف غيرهم بلكي صار عنا موسوعة للاسماء الشركسية

[zan-was]

شو يعني ما حدا ضاف اسم جديد؟ ما حدا مهتم بمعاني الاسماء؟

[sasha]

فكرة حلوة انو يكون عنا موسوعة للأسماء الشركسية
وياريت تساعديني وتعرفيلي شو معنى اسم ستيمر stamer واذا كان شركسي او لأ ويسلمو ايديك كتييييييير

[Shawashsari]

في أسماء زي:-

مازا:- يعني القمر.
سيمازا:- قمري أنا.
سانا:- شجرة العنب.
ديسانا:- عنبتنا.
شوماف:- شو يعني الفارس، وماف يعني يوم، بس الله أعلم إذا مزبوطة الترجمة.

نرت:- جوا العين، اسم للشباب.

مامبت:- !!!!!
تامبي:-!!!!!

[adiga_power]

فكرة كتير حلوة شكرا إلك zan-was بس عندي تعليق على معنى لاسم من الاسماء يلي ذكرون Shawashsari اذا بسمحلي بالنسبة:

اقتباس المشاركة الأصلية كتبت بواسطة Shawashsari سانا:- شجرة العنب. ديسانا:- عنبتنا.

انا معك انو سانا هو دالية العنب بس المقصود بإسم ديسانا حسب معلوماتي: الاسم مأخود من كلمة دشة نة أي العين الذهبية, بس لسهولة اللفظ دشانا و بالروسية يلفظ ديسانا "هي االمعلومة مأخودة من نالتشك حتى اسم بنت أخي الصغيرة ديسانا "
والله أعلم
تقبلوا مروري

[Shawashsari]

منكم نستفيد أخي Adigapower، الترجمة كانت من اجتهادي....

شكرا على تصحيح المعلومة.

الله يخليلكم ديسانا وتتربى بعزكم.....

[رنده ألبيكته]

شكراً كتييييير لهذه المعلومات المهمة التي لم أكن أعرف بعضها -للأسف!

[zan-was]

اقتباس المشاركة الأصلية كتبت بواسطة sasha فكرة حلوة انو يكون عنا موسوعة للأسماء الشركسية وياريت تساعديني وتعرفيلي شو معنى اسم ستيمر stamer واذا كان شركسي او لأ ويسلمو ايديك كتييييييير

شكرا لمرورك ساشا..والله ما بعرف معنى هالاسم بس بدورلك وازا عرفت بحكيلك

اقتباس المشاركة الأصلية كتبت بواسطة Shawashsari في أسماء زي:- مازا:- يعني القمر. سيمازا:- قمري أنا. سانا:- شجرة العنب. ديسانا:- عنبتنا. شوماف:- شو يعني الفارس، وماف يعني يوم، بس الله أعلم إذا مزبوطة الترجمة. نرت:- جوا العين، اسم للشباب. مامبت:- !!!!! تامبي:-!!!!!

يسلموا Shawashsari ,بعتقد الترجمة مزبوطة غير ديسانا اللي فسرهاadiga_power,وبالنسبة ل(مامبت)و(تامبي) كتير نفسي اعرف معناهم ازا حدا بعرف ياريت يخبرنا

اقتباس المشاركة الأصلية كتبت بواسطة adiga_power فكرة كتير حلوة شكرا إلك zan-was بس عندي تعليق على معنى لاسم من الاسماء يلي ذكرون Shawashsari اذا بسمحلي بالنسبة: انا معك انو سانا هو دالية العنب بس المقصود بإسم ديسانا حسب معلوماتي: الاسم مأخود من كلمة دشة نة أي العين الذهبية, بس لسهولة اللفظ دشانا و بالروسية يلفظ ديسانا "هي االمعلومة مأخودة من نالتشك حتى اسم بنت أخي الصغيرة ديسانا " والله أعلم تقبلوا مروري

شكرا كتير عهالمعلومةadiga_power,ما كنت اعرف هالاشي

اقتباس المشاركة الأصلية كتبت بواسطة رنده ألبيكته شكراً كتييييير لهذه المعلومات المهمة التي لم أكن أعرف بعضها -للأسف!

بسيطة رندة كلنا بنتعلم من بعض ,شكرا كتير لمرورك ومشاركتك